BrassWind er ein årleg samtidsmusikk festival for windband, brassband og profesjonelle aktører der konsertinnhaldet er retta mot samtidsmusikk for korps og ensembler. Mange nye norske verk får sin førsteoppføring her. BrassWind vart første gong arrangert i Teatergarasjen i Bergen i Oktober 2004, og var ein stor suksess.

BrassWind har som intensjon og auke interessen for originalskriven korpsmusikk frå vår eigen tid, og å stimulere komponistar til å skrive ny musikk for korpsmediet. Hovudvekt skal vere på norsk samtidsmusikk, der halvparten av festivalrepertoaret skal vere verk av norske komponistar. Festivalen skal vere ein arena der ein kan teste ut ny musikk og større verk for brass- og windband.